Kihaaa..Senyum2 dulu bah. Takkan serius :D

Niari paling hari kesandian. After line digi sm celcom hangkang 3hari, sikarang baru ada. Macam sia mo p tebang seja tu pemancar. Pa kes oh! Punyalah...Nasib ada line streamyx di rumah. nda jua sa buring.

Tadi sia p pekan. Pnyala awal sia bangun. If bukan pasal MONEY, no way sia bangun awal p pos opis. Sia p kurik duit memandangkan duit suda ndaada. Nah sia terpaksa lagi naik bus p pekan coz suma ahli kerabat d rumah sibuk. Mo drive bulih seja tp tu status P bulum dapat. Pulis2 pun mcm sibuk2 seja bekeliaran d pekan tu. 

Sia sampai d pekan jam 8 lebih. Lebih kuranglah tu kali. Sia pun cepat2 pegi sana pos opis mo pegi ambil nombor. Sia nda mau lama2 d pekan nih. Nah sampai sia sna pos, ramai urang ni. Punyalah. dorg berebut ambik nombol. Becampur mampur bau d sana. ISH. Kamu ndak tau ada RULES terpampang depan2 kamu ka??Tarang2  tu perkataan BERATUR tp satu urg pun nda mo ikut. Punyalah. 

Sia punya nombor 2032. Lama jua sia tunggu. 1 jam lebih jua. Punyala lousy services sna. Ada 1 urg tua mengudut jak. Sambil dia pakai spek dia p took over line urang. 

Nah lepas tu ada suara2 memanggil nombor sia. YESS sia punya turn suda. Tapi urg tua d depan sia lambat betul urus urusan dia. Masih ada bau2 arak lagi tuh. Adeh..punyalah sandi. Lepas sia kurik duit, sia daftar jadi pengundi. Hey, did i told you that i'm officially a voter today?? Nah mangkali sia dapat duit suda ni. Wink*

Lepas siap urusan sia, sia turus balik rumah. Mommy, am home!!

Tapi sampai rumah, balik2 blackout. Sa nda tau mana tu pekerja2 SESB pegi. Bertakafur kali dorg. Jam 4 lebih baru ada current. Kali la tuh. 

Itu seja post sia untuk kali nih. Sekian ^^

p/s :